Sumarið er komið. Með sumrinu fylgir að finna tjaldið og sundfötin, skella fötum og nesti í töskur og bruna út úr bænum á bílnum á bæjarhátíð. Bæjarhátíðirnar eru hreinlega út um allar trissur í allt sumar og næstum hægt að aka á milli bæjarfélaga í sumarfríinu og njóta lífsins á stórskemmtilegum hátíðum.
Bæjarhátíðirnar eru reyndar löngu byrjaðar. Sú fyrsta var barnahátíðin í Reykjanesbæ í byrjun maí. Á eftir fylgdu Listahátíð í Reykjavík, sem var stútfull af skemmtilegum viðburðum og sýningum fyrir börn og fullorðna. Síðan komu allskonar hátíðir í byrjun júní. Þar á meðal Sjóarinn síkáti í Grindavík, Grímseyjardagar og auðvitað Sjómannadagurinn, sem var haldinn hátíðlegur víða. Kótelettan á Selfossi er svo auðvitað klassísk bæjarhátíð fyrir alla fjölskylduna.
Listi yfir bæjarhátíðir
Við erum búin að taka saman langa lista yfir bæjarhátíðir sem henta fjölskyldum og tvinnum þær saman við það sem er í boði í hverjum bæ – það er að segja ef við höfum komið þar við, skoðað staðinn, prófað tækin, hólana og rennt okkur á sleða og tekið myndir.
Nú hefur skollið á hafsjór af bæjarhátíðum – og það alveg stórskemmtilegum.
Þið sem akið í gegnum Borgarnes í lok júní ættuð að hafa augun opin í gegnum bæinn. Bærinn er nefnilega ansi litríkur því íbúar bæjarins keppast um að eiga litríkasta hverfið.
Þið finnið allt um Brákarhátíðina í viðburðadagatali Úllendúllen. Þar er líka fjallað um gönguvikuna Á fætur í Fjarðabyggð, sem hefur staðið yfir alla vikuna.
Hér er listi yfir helstu bæjarhátíðirnar inn í júlí.
Helgin 24.-26. júní
Vikan 27.júlí – 3. júlí
