Það er alltaf bæði gott og gaman að fara í sund í löngum fríum eins og í páskafríinu.
En það er ekki aldeilis svo að hægt er að stinga sér til sunds alla páskahelgina. Þvert á móti.
Lokað er í sumum sundlaugum á Skírdag. Það er ýmist til hátíðarbrigða eða vegna viðhalds eins og í sundlauginni í Ásgarði í Garðabæ og Sundhöll Hafnarfjarðar. Víða er lokað á Föstudaginn langa. Laugardagurinn er hins vegar hefðbundinn og alls staðar opið eins og aðra laugardaga. Páskadagurinn er svo eins misjafn og Skírdagur.
Á vefsíðunni www.sundlaugar.is má finna fréttir um sundlaugar landsins. Þar er að finna lista yfir það hvaða sundlaugar eru opnar og hvenær um páskana.
Ef ykkur langar allt í einu í sund yfir páskana þá mælum við með því að þið rennið yfir listann áður en þið hendið sunddótinu í poka.
Gleðilega páska!
