Ný bók: Börnin elda sjálf

 Eldum sjálf unnin

Það er gaman að elda með börnunum. Það gerir lífið skemmtilegra og jafnvel auðveldara fyrir foreldrana eins og í tilviki kaffikrakkans og kökukrakkans. En stundum getur verið erfitt að finna uppskriftir sem börnum líkar við og mat sem þau vilja borða.

Bókaútgáfan Salka hefur leyst málið með bókinni Eldum sjálf, sem er að koma út.

Eldum sjálf er matreiðslubók fyrir börn með uppskriftum sem þau geta spreytt sig á sjálf. Í bókinni Eldum sjálf eru um 20 einfaldar uppskriftir fyrir börn á aldrinum 4-10 ára. Við val á uppskriftum var lögð áhersla á að hafa fá hráefni og tækjum og tólum var stillt í hóf.

Einfaldar en góðar uppskriftir

Við val á uppskriftum í bókinni var einfaldleikinn hafður að leiðarljósi svo allir í fjölskyldunni geti átt ánægjulega stund í eldhúsinu.  Öll skrefin eru sýnd myndrænt þannig að börn þurfa ekki að kunna að lesa til að geta eldað þá rétti sem eru í bókinni.
Eldum sjálf var gerð með mikilli hjálp frá 18 litlum kokkum sem spreyttu sig á öllum uppskriftunum fyrir framan ljósmyndara og tókst vel til. Maturinn var eldaður frá grunni og var hvert skref í undirbúningnum fest á filmu. Með því að elda með Eldum sjálf læra börn að fara eftir uppskriftum og fylgja þeim skref fyrir skref.
Uppskriftirnar í bókinni samanstanda af réttum sem hentugt er að snæða eftir skóla, með kaffinu og í kvöldmatinn. Þannig eru uppskriftirnar fjölbreyttar og hægt að nota við mismunandi aðstæður. T.d. er uppskrift að sígildum heimilismat, plokkfiski sem er bæði hollur og góður matur fyrir alla fjölskylduna.  Einnig er bakkelsi á borð við pönnukökur og múffur í bókinni þannig að börnin geta aðstoðað við undirbúning afmæli og annarra kökuboða.
Uppskriftir í bókinni eru valdar af Dögg Hjaltalín. Þorbjörg Helga Ólafsdóttir setti bókina upp og aðstoðaði við myndatökur. Birgir Ísleifur Gunnarsson sá um myndatöku. 
Lestu meira, lestu viðtalið við Dögg um bókina.

Deilið þessu:

Skildu eftir svar

Vinsamlegast láttu rétt nafn og netfang fylgja með athugasemd