Það getur verið hausverkur að finna góða bók að lesa, sérstaklega fyrir börnin.
Fjölmiðlakonan Þóra Tómasdóttir, ritstjóri Fréttatímans, stóð frammi fyrir þessum vanda um helgina. Hún brá á það einfalda ráð að varpa spurningunni fram á Facebook.
Færsla Þóru var svona:
„Leita að góðum bókum fyrir tíu ára stelpu. Það er eins og við þurfum að lesa 20 vondar fyrir hverja ágæta. Hvar eru stórkostlegu bækurnar?“
Viðbrögðin létu ekki á sér standa og á einum sólarhring varð til risastór og frábær þráður sem fjöldi fólks gaf ráð um góðar bækur fyrir 10 ára stelpur. Þóra svaraði mörgum þeirra og áfram spannst bráðskemmtilegur og fræðandi þráður.
Brot af bókum sem mælt var með
Randalín og Mundi.
Bittu á jaxlinn Binna mín
Doktor Proctor og prumpuduftið eftir Jo Nesbø
Amma biður að heilsa eftir Fredrik Backman
Matthildur, Nornirnar og Grútur og fleiri bækur eftir Roald Dahl
Hobbitinn eftir J.R.R. Tolkien
Bækurnar eftir David Walliams: Grimmi tannlæknirinn, Strákurinn í kjólnum, Amma glæpon, Vonda frænkan,
Gunnar Helgason: Mamma Klikk
Leyndarmál Lindu
Dagbækur Kidda klaufa
Bækur Sigrúnar Eldjárn
Artemis Fowl
Andri Snær Magnason: Blái hnötturinn og Tímakistan
Ertu Guð afi, eftir Þorgrím Þráinsson
Þín eigin …. Þjóðsaga og fleiri bækur eftir Ævar Þór Benediktsson
Gyllti áttavitinn, Lúmski hnífurinn og Skuggasjónaukinn (þríleikur Phillip Pullman)
Mómó
Harry Potter
Bækur Astrid Lindgren
Fúsi froskagleypir og fleiri bækur eftir Ole Lund Kirkegaard
