Kúmen vex villt í Viðey og er nú orðið fullþroskað og tilbúið til tínslu. Af því tilefni hefur Björk Bjarnadóttir, umhverfis- og þjóðfræðingur, skipulagt kúmentínsluferð um eynna. Í ferðinni mun Björk segja frá sögu kúmensins og ýmislegu fleiru sem tengist Viðey. Í ferðinni verður líkt kynnt meðferð og virkni kúmens og hvar það sé helst að finna.
Saga kúmensins á Íslandi er nefnilega nátengd sögu Viðeyjar.
Upphaf kúmenræktunar má nefnilega rekja til aftur til Skúla Magnúsar landfógeta sem hóf ýmsar ræktunartilraunir í Viðey upp úr miðri átjándu öld. Árangurinn var reyndar svolítið misjafn. En Viðeyjarkúmenið vex þar enn og þykir smærra og sætara en annað kúmen.
Það er samt ekki á allra vitorði en þetta litla fræ hefur þó nokkurn lækningamátt og ekki skemmir fyrir hversu bragðgott það er.
Björk mun segja gestum í ferðinni frá öllu þessu og vafalítið miklu meira.
Gestir eru hvattir til að taka með sér taupoka, lítinn hníf eða skæri.
Þátttaka í göngunni er gestum að kostnaðarlausu en greiða þarf í ferjuna.
Ferðin er sunnudaginn 29. ágúst kl. 13:30.
Siglt verður frá Skarfabakka kl. 13:15. Þeir sem vilja fá sér léttan hádegisverð í Viðeyjarstofu fyrir gönguna er bent á 12:15 ferjuna.
