Grindavík: Elvis Presley í felum við gistiheimili

Það er gaman að koma til Grindavíkur. Þar er margt að skoða. Við Steinar gistihús í gamla bænum í Grindavík eru nokkrar skemmtilegar tréstyttur. Stór og vegleg trémynd af manni með hatt tekur á móti gestum gistiheimilisins.

Stígur liggur í grasinu sem leiðir forvitin augu á bak við gistiheimilið. Þar eru fleiri styttur í leyni. Stór og stæðilegur víkingur í fullum skrúða gætir garðsins og hefur hann auga með rokkkónginum Elvis Presley sem nýtur lífsins í Baldursbránni.

Skreppið til Grindavíkur. Þar er margt skemmtilegt að skoða.

Þessi virðulegi herramaður tekur á móti gestum og gangandi við Steinar gistihús í Grindavík

 

Víkingurinn Hafur Björn frá Moldagnúpi er heldur ógnvænlegur á að líta en hann gætir garðsins af stökustu prúðmennsku

Rokkkóngurinn sjálfur Elvis Prestley nýtur sín vel meðal baldursbránna

 

Grindavík er skemmtilegur bær á sunnanverðu Reykjanesi og enga stund verið að skreppa þangað frá Reykjavík hvað þá öðrum bæjarfélögum á Reykjanesi, Hveragerði, Þorlákshöfn, Selfossi, Stokkseyri og Eyrarbakka. Þar eru líka kaffihús og ýmislegt fleira til dundurs og dægrastyttingar.

 

[ad name=“POSTS“]

 

 

Deilið þessu:

Skildu eftir svar

Vinsamlegast láttu rétt nafn og netfang fylgja með athugasemd