Flugdrekasérfræðingurinn Arite Fricke kennir börnum og fullorðnum að búa til flugdreka í Viðey í dag. Hún er sannfærð um að við erum leikjamegin í lífinu og viljum leika.

Hjá Arite má læra um sögu og þætti flugdrekagerðar og hvernig á að búa til einfaldan flugdreka sem svínvirkar úr endurnýtanlegum efnum.

Fram kemur á vef Viðeyjar að þeir sem vilji megi koma með sína eigin flugdreka út í Viðey. Þið þurfið líka að koma með mat og drykk.

Athugið að allt efni í flugdrekagerðina og leiðbeiningar er innifalið í þátttökugjaldinu. Við þátttökugjaldið bætist svo ferð með ferjunni frá Reykjavík út í Viðey og til baka.

Þátttökugjald: 400 kr – innifalið er efni og leiðbeiningar til að búa til flugdreka. Verð fyrir bátsferðina má finna á videy.com/ferjan. Verð viðmið: 2 fullorðnir og 2 börn, flugdrekagerð og ferja kr 4.900.