Vegna fjölda áskorana er ævintýraóperan Baldursbrá eftir Gunnstein Ólafsson og Böðvar Guðmundsson sýnd á þremur aukasýningum í Norðurljósasal Hörpu 20.–22. maí.

Óperan hlaut mikið lof þegar hún var frumsýnd í ágúst á síðasta ári og fékk hún rífandi góða dóma innanlands og erlendis. Hún var m.a. tilnefnd til íslensku tónlistarverðlaunanna árið 2014.

Börnin í ellefu hlutverkum

Í aðalhlutverkum eru fjórir fullorðnir söngvarar og ellefu börn. Leikstjóri er Sveinn Einarsson en hljómsveitarstjóri er Gunnsteinn Ólafsson.

Miðasala er í Hörpu: www.harpa.is. Sýningarnar verða klukkan 19:00 föstudagskvöldið 20. maí, klukkan 14:00 laugardaginn 21. maí og sunnudaginn 22. maí.

Miðinn á sýninguna kostar 2.500 krónur.

Fjöldi kátra krakka tekur þátt í ævintýraóperunni Baldursbrá. MYND / Geirix