Svolítið skrýtinn og skemmtilegur viðburður verður í Norræna húsinu á föstudagskvöldið. Þá mun sólin koma til Reykjavíkur og setjast á Norræna húsinu.

Viðburðurinn kallast Sól á ferðalagi frá Noregi til Íslands. Sólin mun ferðast um Ísland en sest á þaki Norræna húsins föstudaginn 16. október. Í tilefni af því verður sérstök móttaka fyrir sólina við Norræna húsið klukkan 20 á föstudag.

Sólin kemur og fer

Norræna húsið lýsir viðburðinum svo á Facebook:

„Við sem búum á norðurhveli jarðar hefur sólin, eða réttara sagt fjarvera sólarinnar, gríðarleg áhrif á líf okkar. Markmiðið með þessu verkefni, Sólarferðalaginu, er að koma með ljós á myrka staði í norðrinu. Listakonurnar sem standa að baki verkefninu hitta fólk og ferðast um með sólina áður en hún sest á þak Norræna hússins.

Listakonurnar Christine Istad og Lisa Pacini hafa ferðast með SÓLINA frá Osló til Tromsø og eru nú komnar til Íslands. SÓLIN er stór ljós skúlptúr. Að ferðast með sólina er stór hluti verksins. Ferðalagið er skrásett og því miðlað í gegnum samfélagsmiðla og blogg.“

Nánari upplýsingar um viðburðinn má lesa hér.