Fimmtudagarnir eru skemmtilegir á Amtsbókasafninu á Akureyri. Þá er sögustund og geta börnin mætt ef þau vilja hlusta á lestur úr nýjum eða nýlegum barnabókum. Það er líka hægt að lita og föndra á sama tíma á bókasafninu.

Mikið lesið á sögustund

Búið er að lesa bækurnar Keli hvolpur, Kvöldsögur fyrir krakka, Halló Kata könguló og svo hefur Ævar Þór Benediktsson vísindamaður komið í heimsókn og kynnt bókina Þín eigin þjóðsaga.

Fimmtudaginn 25. nóvember verða lesnar bækurnar Íslenska stafrófið og Lára lærir að hjóla eftir Birgittu Haukdal.

Nú er bara að mæta á sögustund á Amtsbókasafninu á Akureyri Lesturinn hefst alltaf klukkan 16:15.