Leikfélag Selfoss sýnir Bangsímon eftir Peter Snickars í leikstjórn Guðfinnu Gunnarsdóttur.

Leikgerðin var skrifuð eftir hinum ástsælu sögum A.A. Milne sem flestir þekkja og var það Sigríður Karlsdóttir sem þýddi leikritið, en þýðing söngtexta var í höndum Hönnu Láru Gunnarsdóttur.

Leikritið var frumsýnt laugardaginn 31. október og hefur verið uppselt síðan. Leikritið um Bangsímon og vini hans verður sýnt í takmarkaðan tíma og því er um að gera og drífa sig á sýninguna. 

Þetta er síðasti sýningardagurinn verður leikritið sýnt tvisvar þennan dag.

9. sýning 21. nóvember laugardagur kl. 14:00
10. sýning 21. nóvember laugardagur kl. 16:00

Bangsímon er hugljúft og skemmtilegt leikrit fyrir börn á öllum aldri. Það var fyrst sett á svið hjá leikfélaginu fyrir 20 árum síðan og hlökkum við til að kynna næstu kynslóð fyrir Bangsímoni og vinum hans í Hundraðekruskógi.