Það hefur rignt í sumar og júlí var kaldasti mánuður frá upphafi mælinga. Vegna slæmrar tíðar þetta árið rugluðust íslensku jólasveinarnir örlítið í ríminu og komu fyrr til byggða en vanalega ásamt foreldrum sínum, þeim Grýlu og Leppalúða.

Þessi ófrýnilega en skemmtilega fjölskylda hefur leitað skjóls í versluninni fóu við Laugaveg 2 í Reykjavík. Þar verða þau til sýnis á Menningarnótt ásamt jólakettinum.

Í versluninni stendur yfir sýning á verkum með íslenskum húsum. Listamennirnir á bak við myndirnar eru þau Patra Tawatpol, Kamile og Andrew Murray. Hver og einn hefur sinn einstaka stíl, upplifun og túlkun á íslenskum húsum. Bjarni Þór Kristjánsson er listamaðurinn sem gerir jólasveinana og Grýlu og Leppalúða en hann hefur áralanga reynslu í útskurði á misjöfnum efnivið.