Heimsdagur barna er í dag. Borgarbókasafn býður af því tilefni upp á margskonar skemmtun í anda víkinga.

Heimsdagur barna, sem er orðinn fastur liður í menningarlífi borgarinnar og hefur verið haldinn í Gerðubergi frá 2005. Í fyrra var sú breyting að smiðjur voru einnig í Borgarbókasafninu Sólheimum, Kringlunni og Spönginni. Í ár er dagurinn haldinn þegar grunnskólanemendur í Reykjavík eru í Vetrarfríi og ættu allir aldurshópar að finna eitthvað spennandi við sitt hæfi.

Dagskráin í Spönginni

Skuggaleg víkingaævintýri 

Í skuggaleikhúsinu bregðum við á leik og spinnum víkingaævintýri með töfrum ljóss og skugga. Velkomið að taka með sér
vasaljós enda eins gott að vera við öllu búin.Smiðjustjórar: Sólveig Guðmundsóttir og Cécilie Parcillié

Völva í spáhelli

Galdrakonur og galdrar léku stór hlutverk í lífi víkinganna. Komdu ef þú þorir og leyfðu völvunni að sjá inn í þína framtíð! Hjátrú og spádómar voru víkinganna ær og kýr og fór enginn í bardaga nema fá álit völvunnar fyrst. Völva: Ólöf Sverrisdóttir

Víkingavinabandasmiðja

 „Vin sínum skal maðr vinur vera“ Víkingarnir voru ekki eingöngu í bardögum og ránsferðum heldur var traustur vinskapur mikils metinn meðal þeirra. Komdu og lærðu að flétta víkingavinabönd í fornum anda.

Smiðjustjóri: Ellen Ýr Jónsdóttir