Í tengslum við sýninguna Aftur í sandkassann – Listir og róttækar kennsluaðferðir í Listasafni Reykjavíkur í Hafnarhúsi fer fram vinnustofa fyrir fjölskyldur í samstarfi við Biophilia-menntaverkefnið.

Vinnustofan er ókeypis og ætluð börnum á aldrinum 10-12 ára.

Jarðfræðingurinn og stjörnuáhugamaðurinn Sævar Helgi Bragason mun fjalla um þyngdarkraft og feril jarðar um sólkerfið, möndulhalla jarðar og áhrif hans á árstíðirnar.

Hvað er Biophilia?

Tónlistarkonan og tónlistarkennarinn Ásta Björg Björgvinsdóttir skoðar hvernig tvær eða fleiri sjálfstæðar laglínur eru fléttaðar saman í lag og mynda heild. Saman tengja þau þetta tvennt, vinna tilraunir og skoða þessi fyrirbæri með aðstoð spjaldtölvuappa Biophilia verkefnis Bjarkar Guðmundsdóttur.

Biophilia menntaverkefnið er samstarfsverkefni mennta- og menningarmálaráðuneytis, norrænu ráðuherranefndarinnar, Reykjavíkurborgar, Háskóla Íslands og Bjarkar Guðmundsdóttur.

Athugið að fjöldi þátttakenda er takmarkaður. Skráning og nánari upplýsingar veitir fræðsludeild í síma 411 6400 eða á fraedsludeild@reykjavik.is

Nánari upplýsingar á vefsíðu Hafnarhússins.