Árlegur útimarkaður Íbúasamtaka Laugardals verður haldinn 29. ágúst og verður hann við Laugardalshöll. Mælt er með því að fólk skilji bílinn eftir heima og komi á markaðinn á vistvænan hátt.

Alls milli himins og jarðar verður til sölu og má kaupa á markaðnum. Þar á meðal er alls konar fínerí, föt, geisladiskar, grænmeti, leikföng, listmunir, húsgögn, handverk, heimagerðar sultur, bækur og ber.

Bíttu á jaxlinn og farðu upp á svið!

Í ár er boðið upp á bæði söluborðasvæði og skottsölusvæði. Seljendur koma með borð, stóla, fataslár og annað sem þeir þurfa við söluna. Þeir sem vilja selja frá sér eitt og annað úr bílskotti þurfa að greiða litlar 2.000 krónur. Fjárhæðin gengur upp í kostnað við markaðshald og annað. Á svæðinu verður huggulegasta kaffihús, svið og hljóðkerfi og geta því þeir sem vilja og þora stigið á stokk og látið ljós sitt skína.

Gestir eru hvattir til að skilja bílinn eftir heima og nýta sér vistvænar samgöngur, þ.e. koma gangandi, á hjóli eða með strætó.

Lestu meira á Facebook-síðu Útimarkaðarins.