Jóga er málið fyrsta sunnudag í mánuði á Kex Hostel. Það er einmitt boðið upp á krakkajóga í dag, 7. febrúar. Jógastundin hefst klukkan 13:00.

Allir eru velkomnir.

Það kostar ekkert að skella sér í krakkajóga á Kex Hostel á heimilislegum sunnudegi.

Nánari upplýsingar eru á Facebook-síðu viðburðarins.

Jóga einu sinni í mánuði

Það er leikkonan Nanna Kristín Magnúsdóttir sem stendur fyrir Heimilislegum sunnudögum á Kex Hostel. Hún segir í samtali við Fréttablaðið að það hafi vantað fasta fjölskyldudagskrá um helgar og hafi hún því byrjað með reglulega dagskrá á staðnum.

Þetta er annar veturinn sem Heimilislegur föstudagar eru á Kex Hosteli.

Nanna Kristín segir reynt að hafa viðburði fyrir bæði börn og fullorðna vegna þess að krökkum finnist rosalega skemmtilegt þegar foreldrarnir leiki með.

Krakkajóga er málið á sunnudögum. Fólk er þó hvatt til að koma með eigin dýnu í jóga á Kex Hostel.