Sunnudaginn 30. september verður leiðsögn fyrir alla fjölskylduna um sýninguna Einskismannsland í Listasafni Reykjavíkur á Kjarvalsstöðum. Þetta er jafnframt síðasti dagur sýningarinnar.

Í fjölskylduleiðsögninni fá börnin skemmtileg verkefni og tækifæri til að tjá upplifun sína á margvíslegan hátt.

Eftir leiðsögnina gefst fjölskyldum kostur á að leika sér saman í hugmyndasmiðju safnsins í hálendisverkefni í anda sýningarinnar sem allur aldur getur tekið þátt í.

Aðgöngumiði á safnið gildir. Frítt fyrir börn í fylgd með fullorðnum. Frítt fyrir handhafa Árskorts Listasafns Reykjavíkur og Menningarkorts Reykjavíkur.

Ítarlegri upplýsingar: Listasafn Reykjavíkur – Kjarvalsstaðir