Útgáfutónleikar eru á Kex Hostel á heimilislegum sunnudegi í tilefni af útgáfu bókarinnar og geisladisksins: Vísnagull -Vísur og þulur fyrir börn í fangi.

Vísnagull -Vísur og þulur fyrir börn í fangi er bók og geisladiskur sem innihalda 30 skemmtilegar þulur og söngva fyrir minnstu börnin. Bókin er prýdd 26 splunkunýjum og litríkum málverkum eftir listakonuna Mæju og tónlistin er unnin af Pétri Ben.

Dr. Helga Rut Guðmundsdóttir tónlistarfræðingur ritstýrði verkinu. Hún er meðal annars stofnandi Tónagulls, tónlistarnámskeiða fyrir ung börn.

Safnað var fyrir útgáfu verksins á hópfjármögnunarsíðunni Karolina Fund.