Kexland og Landsamband Sauðfjárbænda kynna með stolti rúningskeppnina Gullklippurnar 2016.  Keppnin fer fram laugardaginn 9. apríl klukkan 14:00.

Þar munu fremstu keppendur landsins og sauðfé úr Borgarfirði mætast í portinu á bak við Kex Hostel. Keppt verður um Gullklippurnar.

Keppendur eru af báðum kynjum og mun sá sem framkvæmir sneggstu og bestu rúninguna standa uppi sem sigurvegari.

Á meðan keppni stendur yfir verður boðið uppá tvíreykt sauðakjöt og harmonikkuundirleik og fleira sem glatt getur fjölskyldufólk á öllum aldri.

Fram kemur í tilkynningu frá Kex Hostel að sauðféð kemur í fylgd dýralæknis sem sér um að allt fari kindúðlega fram.