Heilmikil stemning myndast á Selfossi þegar jólasveinarnir koma niður af Ingólfsfjalli og koma á vörubíl inn í bæinn fyrir jólin til að heilsa upp á bæjarbúa og nærsveitunga á jólatorginu í Sigtúnsgarðinum. Sigtúnsgarðurinn á Selfossi er beint á móti Ölfusárbrú.

Jólasveinarnir koma nú til byggða á Selfossi laugardaginn 12. desember.

Dagskráin hefst klukkan 15:30 og er búist við því að þeir stoppi á torginu klukkan 16:00.

Jólasveinar stíga á stokk

Þegar jólasveinarnir verða komnir í bæinn er hefð fyrir því að þeir stígi á stokk og tralli fram eftir öllu.

Það er góð hugmynd að mæta á jólatorgið í Sigtúnsgarðinum á Selfossi og fagna því þegar jólasveinarnir koma í bæinn.

Jólamarkaður er við torgið og er hann opinn frá klukkan 13:00 til 17:00.