Á hverju ári heimsækja jólasveinar Þjóðminjasafnið og jólasýningar og ratleikur eru í boði. Í Safnahúsinu við Hverfisgötu verða gömul jólatré sýnd í lestrarsalnum.

Frá 12.-24. desember klukkan 11:00 mæta jólasveinarnir til byggða, en þeir hafa lagt það í vana sinn að koma við í Þjóðminjasafninu á hverjum morgni.

Þjóðminjasafnið á tveimur stöðum

Jólasýning stendur á Torgi Þjóðminjasafnsins frá upphafi aðventu og eru jólatré til sýnis í Safnahúsinu.

Safnbúðir Þjóðminjasafnsins við Suðurgötu og í Safnahúsinu við Hverfisgötu eru fullar af þjóðlegum leikföngum, vönduðum minjagripum og bókum.

Fram kemur á vef Þjóðminjasafnsins að veitingar má fá hjá Kaffitári í Þjóðminjasafninu og Kapers í Safnahúsinu.