Kjörís í Hveragerði heldur upp á Ísdaginn 2015 laugardaginn 15. ágúst. Þetta er árlegur viðburður og bókað að fjörið verður mikið. Kjörís býður gestum á Ísdeginum alltaf upp á eins mikið af ís og þeir geta í sig látið.  Þetta árið fá gestir að smakka kamelmjólkurís, gráðaostaís, grískan jógúrtís, poppkornsís og mysingsís.

Heljarinnar dagskrá verður í boði fyrir þá sem koma í heimsókn til Kjöríss. Þeir sem koma fram og skemmta gestum eru Ingó veðurguð, Leikhópurinn Lotta, Gunni Helga og Jói G auk þess sem Kraftabraut Hjalta Úrsus verður á staðnum.

Nú er bara að skreppa í Hveragerði á laugardaginn og fá sér ís!