Ísdagur Kjöríss í Hveragerði er skemmtilegur viðburður enda boðið þar upp á allskonar furðuísa. Hann verður nú haldinn hátíðlegur laugardaginn 13. ágúst árið 2016.

Í boði á Ísdeginum núna verður Forsetaísinn, Hillarís, Trumpís, Flensuís, Geitamjólkurís, Vampíruís og að sjálfssögðu nýi Saltkaramelluísinn ásamt mörgum fleiri tegundum.

Gestir geta látið í sig eins mikinn ís og þeir vilja.

Felix Bergsson sér um veislustjórn. Fram koma Ingó veðurguð, Einar töframaður og Lína Langsokkur.

HVERNIG VAR ÍSDAGURINN Í FYRRA?

Á síðasta ári heyrðum við í Þráni ísmanni hjá Kjörís. Hann hlakkaði alltaf jafn mikið til Ísdagsins hjá Kjörís.