Þann 11. desember síðastliðin var haldin snjókornasmiðja í Menningarhúsinu Gerðubergi.
Listkennslunemar frá Listaháskóla Íslands komu á stefnumóti kynslóða og fengu til samstarfs við sig
félagsstarf eldri borgara í Gerðubergi og börn frá leikskólanum Austurborg.

Eldri borgarar og leikskólabörnin í Austurborg hittust og áttu notalega stund saman við að klippa út pappírssnjókorn og úr þeim varð listaverkið Snædrífa sem er til sýnis á VEGGNUM í kaffihúsi Gerðubergs.

Harmónikkuleikari mætti á staðinn í tilefni dagsins og sungin voru vetrarlög.
Í lokin gæddu ungir sem aldnir sér á piparkökum og heitu súkkulaði.