Hafið þið kíkt í heimsókn í skrímslaheiminn í Gerðubergi? Á milli klukkan 13:00 til 15:30 laugardaginn 16. apríl verða alls kyns búningar á staðnum sem geta ýtt undir hugarflug gesta og vakið heilmikla kátínu.

Í skrímslaheiminum í Gerðubergi er hægt að bregða sér í búning skrímslanna sjálfra eða verða skrímslagæludýr, prinsessa, múmínálfur, lögregla, fíll eða bófi að nóttu. Það má líka koma með búning að heiman.

Búningarnir eru til afnota á skrímslasýningunni.

Fram kemur á vefsíðu Gerðbergs að auðvitað er bókasafnið líka opið í Gerðubergi.

Nú líður senn að lokum skrímslasýningarinnar í Gerðubergi. Þegar Barnamenningarhátíð lýkur 24. apríl næstkomandi þá verður sýningunni pakkað niður og fer hún á svolítið heimshornaflakk.

Þið verðið því að drífa ykkur á skrímslasýningu.