Á margradda maí verður sjónum beint að öllum þeim fjölbreyttu tungumálum sem töluð eru í borginni. Þá er ekki endilega átt við þjóðtungur eingöngu heldur leitum við eftir fjölbreyttum orðaforða og tungutaki og fjölbreyttum tjáningarleiðum og boðskiptum.

Fimmtudaginn 21. maí kl.11.00 verður sögustund á Borgarbókasafni í Grófinni í Reykjavík og sungið á mörgum tungumálum. Í kjölfarið má leika sér í tungumálasmiðjum safnsins, halda áfram með sögustundir frá ýmsum heimsálfum og á ólíkumi tungumálum og glugga í spennandi bækur. Við bjóðum öllum skólum og frístundamiðstöðum að koma og hafa það notalegt í bókasafninu í Grófinni og taka þátt í að gefa fjölbreytileikanum rödd.

Dagskrá

Kl. 11.00 Söngur og sögustund á ýmsum tungumálum
Kl. 12.45 Menningarmót nemenda í 4. og 6. bekk Landakotsskóla
Kl. 15.00 Taktur og táknmál. Töfrandi taktveisla þar sem má upplifa ljóð eftir börnin, útfærð með takti og á táknmáli. Samstarf frístundaheimilisins Halastjörnunnar og frístundaheimilisins Eldflaugarinnar.
Kl. 16.00 Café Lingua |Sniðug málsnið í margradda maí:
-„Hnífaparið“ rappa „Gervisykrað samfélag“– vinningshafar á Ljóðaslammi 2015, Halldóra Líney Finnsdóttir og Hekla Baldursdóttir.
– Augnstýring – að stýra tölvu með augunum, Brandur Ketilsson
-Tungmálastöðvar

Allir eru velkomnir að skrá sig á stöð eða bara að líta við og drekka í sig lifandi og fjölbreyttan tungumálaheim borgarinnar. Skráning hjá kristin.r.vilhjalmsdottir@reykjavik.is

Viðburðurinn er samstarf Borgarbókasafns við Reykjavík Bókmenntaborg UNESCO, frístundamiðstöðina Kamp, Landakotsskóla, skóla – og frístundasviðs Reykjavíkurborgar og málfarsráðunautar Ríkisútvarpsins.