Göngu- og gleðivikan „Á fætur í Fjarðabyggð“ fer fram síðustu vikuna í júní. Göngu- og gleðivikan stendur frá laugardeginum 18. júní til laugardagsins 25. júní. Vikan er full af fjölbreyttum viðburðum og frábærri útivist.

Fyrir þá sem ekki vita þá samanstendur Fjarðabyggð af Eskifirði, Reyðarfirði, Mjóafirði og Norðfirði, Fáskrúðsfirði og Stöðvarfirði.

Í gönguvikunni verður náttúruskóli fyrir yngstu þátttakendurna og hafa mömmur og pabbar því gott tækifæri til að taka þátt í göngum sem henta síður litlum fótum.

Innan Gönguvikunnar eru fjölskyldugöngur, sögugöngur, krefjandi áskoranir fyrir alvöru göngugarpa og allt þar á milli. Fyrir allra yngstu göngugarpana býðst náttúru- og leikjanámskeið. Að göngudegi loknum tekur gleðin völd með kvöldvökum, tónlist, leiklist og sjóhúsagleði.

Nánar um Gönguvikuna á vef Fjarðabyggðar.