Langar ykkur að eignast bækur og blöð fyrir lítinn pening? Þá er um að gera og kíkja á bókamarkaðinn á fyrstu hæðinni á aðalsafni Bókasafns Kópavogs. Þar er bóka- og blaðamarkaður vikuna 6.-11. júní.

Fram kemur á vefsíðu bókasafnsins að á markaðnum verður hægt að gera góð kaup á alls konar bókum, hljóðbókum og tímaritum. Sumar bækur og hljóðbækur fara á allt niður í 100 kall en tímaritin á 50 krónur. Tímaritið Gestgjafinn með gómsæta innihaldinu sem margir vilja eiga kostar 100 krónur stykkið.

Svona er afgreiðslutími Bókasafns Kópavogs:

• Mánudaga – fimmtudaga kl. 10.00–19.00
• Föstudaga kl. 11.00–17.00
• Laugardaga kl. 13.00–17.00