Bæjarbíó heldur áfram að halda nafni Astrid Lindgren á lofti.

Í dag verður sýnd myndin um hinn stórskemmtilega Kalla á þakinu, þennan skrýtna karl sem er með þyrluspaða á bakinu og getur flogið eins og fugl.

Söguþráðurinn er svona:  Einhver kemur auga á Kalla á flugi og stórfé er heitið þeim sem getur upplýst ráðgátuna um þennan dularfulla, fljúgandi furðuhlut. Þegar tveir skuggalegir náungar, sem svífast einskis til að komast yfir verðlaunaféð, brjótast inn til Bróa til að handsama Kalla eru góð ráð dýr. En Kalli á þakinu hefur reyndar ráð undir rifi hverju.

Myndin er með íslensku tali sýningartími er 95 mínútur með hléi.