Kvikmyndin Benjamín dúfa verður sýnd í Bæjarbíói í Hafnarfirði 20. febrúar klukkan 15:00. Frítt er inn á sýninguna.

Nú um stundir stendur yfir menningarhátíðin bóka- og bíódagar í Hafnarfirði og frítt inn á alla viðburði.

Hafið þið kynnt ykkur hvað er í boði á menningarhátíðinni í Hafnarfirði?

Sagan um Benjamín

Friðrik Erlingsson hlaut Íslensku barnabókaverðlaunin fyrir skáldsögu sína Benjamín dúfu árið 1992 og Barnabókaverðlaun skólamálaráðs árið 1994. Bókin fjallar um fjóra vini og viðburðaríkt sumar í lífi þeirra, ævintýrin sem þeir lenda í og hvernig kaldur raunveruleikinn síðan brýst inn í líf þeirra.
Bókin hefur verið gefin út í 10 löndum.

Friðrik skrifaði handritið að bíómyndinni sem Gísli Snær Erlingsson leikstýrði en hún hefur einnig hlotið fjölda verðlauna um allan heim.