Leikhús, hreyfing og leikir verða í boði fyrir alla krakka sem koma í Árbæjarsafn sunnudaginn 26. júlí.

Bríet blómálfur og Skringill skógarálfur bjóða alla velkomna á jógaleiksýningu kl. 14.00. Sýningin fjallar um Skringil skógarálf sem lendir í vandræðum en Birta blómálfur kann mörg ráð og kemur til bjargar. Allt gengur betur ef krakkarnir koma og hjálpa til.  Allir geta tekið þátt en einnig er hægt að horfa bara á og hafa gaman af.

Leiksýningin fer fram á torgi Árbæjarsafns en þar mun starfsfólk jafnframt vera með skemmtilega leikjadagskrá frá 13:00-14:00 og aftur frá 15:00-16:00.

Það er frítt inn á safnið fyrir börn yngri en 18 ára.