Jólasveinarnir koma til byggða hver á fætur öðrum. Í dag kemur Skyrgámur til byggða. Hann kíkir við á Þjóðminjasafninu við Suðurgötuna í Reykjavík klukkan 11:00 og heilsar upp á gesti safnsins.

Gert er ráð fyrir því að Skyrgámur verði um 30 mínútur á safninu.

Skyrjarmur, sá áttundi,
var skelfilegt naut.
Hann hlemminn o’n af sánum
með hnefanum braut.

Svo hámaði hann í sig
og yfir matnum gein,
unz stóð hann á blístri
og stundi og hrein.