Fram kemur á vef Listahátíðar í Reykjavík að dansgangan er gerð með þátttöku almennings og í samstarfi við Listasafn Reykjavíkur og fagaðila í dansi á Íslandi.

Eins og sjá má af kortinu sem fengið er af vef Listahátíðar verður gengið frá Listasafni Reykjavíkur Hafnarhúsi að Listasafni Íslands við Fríkirkjuveg. Þar mun gangan breytast í 30 mínútna langa dansveislu.

Markmið göngunnar er að sýna að ganga sé dansform og að allir geti dansað, hvar sem er og hvenær sem er.

Gangan er opin öllum þeim sem vilja taka þátt í gjörningi sem leggja mun undir sig hluta miðborgarinnar. Þátttakendum er jafnframt frjálst að sameinast göngunni eftir að hún leggur af stað og dansganga eins lengi og þeir kjósa.

Kl. 13:00    Dansganga leggur af stað frá Listasafni Reykjavíkur

Kl. 13:45    Dansveisla við Listasafn Íslands, Fríkirkjuvegi

Kl. 14:30    Setning Listahátíðar í Reykjavík