Það verður líf og fjör á heimilislegum sunnudögum á Kex Hostel 17. apríl. Þá verður nefnilega boðið upp á föndur á grímum.

Hver og einn ákveður hvernig gríman á að vera. Þeir sem vilja geta komið með eitthvað spennandi að heiman eða úr náttúrunni sem á að líma á grímuna.

Á staðnum verða litir, skæri, teygja og lím ásamt einhverju spennandi föndri.

í tilkynningu frá Kex Hosteli kemur fram að ef ofur-foreldrar eiga svo tóma pakka af morgunkorni þá megi þeir endilega kippa þeim með. Pakkarnir eru nefnilega góðir til að búa til grunna að grímum.

Aldís Davíðsdóttir, leikkona og grímugerðarkona, leiðir grímu-föndursmiðjuna.

Allt á heimilislegum sunnudögum á Kex Hostel er að sjálfsögðu ókeypis.