Fram kemur í tilkynningu frá Safnahúsinu að í galdrastafasmiðjunni verða notaðir stimplar og fjaðurstafir til að búa til rammíslenska galdrastafi sem jafnvel geta látið óskir rætast. Galdrastafina má svo hengja á trjágreinar sem lifna við, stækka og dafna með vorkomunni.

Smiðjan er önnur af fjórum sem fer fram í Safnahúsinu á  vorönn í samstarfi Þjóðminjasafns og listkennsludeildar Listaháskóla Íslands. Það eru þær Arite Fricke og Kristín Þóra Guðbjartsdóttir sem skipuleggja og leiða smiðjurnar í samstarfi við Jóhönnu Bergmann safnkennara Þjóðminjasafnsins.

Nánari upplýsingar um galdrasmiðjuna og aðra viðburði má sjá á vefsíðu Þjóðminjasafnsins.

Safnahús Þjóðminjasafnsins við Hverfisgötu sem hét áður Þjóðmenningarhúsið. MYND / Þjóðminjasafn