Litlaskrímsli finnst gaman að föndra og hafa fínt í kringum sig. Í þessari smiðju mun hönnuðurinn Hanna Dís Whitehead sýna hvernig föndra má fínt páskaskrímslaskraut og páskaskrímslaunga eða páskaskrímslaegg í anda litla litla skrímslis.

Föndrað verður í Gerðubergi laugardaginn 19. mars frá klukkan 12:00 til 16:00.

Á vefsíðu Borgarbókasafns segir að loðin, ægileg skrímsli munu líta dagsins ljós þar sem foreldrar og börn vinna saman í að láta páskaskrímsladrauma sína rætast. Tilvalið er að skreyta skrímslaheim með fínerínu en krakkar mega auðvitað líka taka afraksturinn með sér heim og skreyta heima hjá sér.

Hver er Hanna Dís?

Hanna Dís hefur unnið með börnum á myndlistar og hönnunarnámskeiðum hjá Klifinu, skapandi fræðslusetri í Garðabæ. Hún er einnig starfandi hönnuður og má sjá meira um verk hennar og sýningar hér. Í vor mun hún kenna námskeiðið Inngangur að hönnun sem hugsað er fyrir unglinga 16 ára og eldri.

Sýningin hlaut styrk frá Norræna menningarsjóðnum og er hönnuð sem farandsýning. Til stendur að sýningin fari áfram til Færeyja og Svíþjóðar eftir að henni líkur hér á landi.