Leikkonan Ólöf Sverrisdóttir leiðir stutta leiklistarsmiðju fyrir börn á aldrinum 5-8 ára þar sem leikið verður með þemu úr bókunum um litla og stóra skrímsli. Í bókunum koma fyrir góðar og erfiðar tilfinningar í samskiptum skrímslanna.

Fram kemur á vef Borgarsafnsins að leiklistarsmiðjan verður spunasmiðja byggð á brotum úr bókunum. Í lokin setja börnin upp lítinn leikþátt í skrímslaheiminum.

Leiklistarsmiðjan hefst kl 14:00 og stendur í um klukkutíma.

Sýning um skrímslin í Gerðubergi er opin frá 13-16 líkt og bókasafnið og kaffihúsið.

Skráning í leiklistarsmiðjuna skal senda til olof.sverrisdottir@reykjavik.is

Leiklistarsmiðjan verður endurtekin laugardaginn 2.apríl með sama sniði.