Litlu jólin verða haldin hátíðleg í Sjóminjasafninu í Reykjavík úti á Granda 5. desember. Í tilefni af því er safnið opið til klukkan 21. Þennan dag munu rekstaraðilar á svæðinu bjóða upp á jólalegt og notalegt andrúmsloft auk ýmissa afslátta og tilboða.

Fjölskylduferð um safnið

Frá klukkan 17:00-21:00 er hægt að kaupa tvo miða fyrir einn. Á milli klukkan 17:00-19:00 er hægt að fara í fjölskylduvæna leiðsögn um safnið. Þeir sem yngri eru geta svo skemmt sér með því að fara í jólaratleik um safnið.

Safnbúðin verður að sjálfsögðu opin en þar er hægt að fá allskonar skemmtilegan varning sem tilvalinn er í jólapakka eldri sem yngri. Í tilefni dagsins verða allar vörur seldar með 15% afslætti.

Aðgangseyrir í safnið er 1400 kr. fyrir fullorðna en ókeypis er fyrir börn 18 ára og yngri, ellilífeyrisþega (70+) og öryrkja. Menningarkortið veitir ókeypis aðgang að safninu.