Nú er aldeilis fjör! Bókaútgefendur kynna uppskeruna fyrir þessi jól á Bókamessu í Bókmenntaborg í Ráðhúsi Reykjavíkur helgina 21. – 22. nóvember. Bókamessan stendur frá klukkan 12 – 17 báða dagana og er ókeypis inn. Dagskráin er þétt. Kynntu þér hana. Dagskráin er á vef Félags bókaútgefenda.

Hittu uppáhalds rithöfundinn

Þetta er skemmtilegur viðburður þar sem forlögin sýna hvað þau hafa upp á að bjóða. Það er ókeypis að koma. Í boði eru alls konar getraunir og leikir auk þess sem þú getur hitt uppáhaldsrithöfundinn þinn og spjallað við hann um heima og geima.

Laugardaginn 21. verður krakkastund á milli klukkan 12:30-13:30 fyrir börn á frá þriggja og upp í tólf ára. Eldri krakkar sem þora geta mætt á hryllingsbókastundina frá 13:30-14:30.

Spjall um bækur

Í boði eru upplestrar, sögustundir, spjall um bækur, leikir og getraunir, ljúffengt smakk og óvæntar uppákomur.

Þetta er frábær skemmtun fyrir alla. Nú er bara um að gera að klæða sig vel og drífa sig á bókakynningu í Ráðhúsi Reykjavíkur.