Fantasíur, vísindaskáldskapur og þríleikir er á hraðri uppleið innan ungmennabókageirans, segir Hrönn Björgvinsdóttir, deildarstjóri ungmennadeildar Amtsbókasafnsins á Akureyri. Hún ræðir við Berglindi M. Valdemarsdóttur um nokkrar nýjar ungmennabækur sem komu út fyrir jólin 2020 í hlaðvarpinu Akureyringar, sem fjallar um allt á milli himins og jarðar á Akureyri.
Bækurnar sem koma við sögu í hlaðvarpinu í hnotskurn:
Skógurinn: Hildur Knútsdóttir
- Þetta er þriðja bókin í þríleik Hildar. Fyrstu bækurnar eru Ljónið og hin Nornin.
- Ljónið er þroskasaga með undirliggjandi óútskýrðum öflum lesendur verða lítið varir við.
- Hver bók er í ákveðinni stefnu. Fyrsta bókin er raunsæissaga í nútímanum og fjallar um stelpuna Kríu. Bók númer tvö gerist 80 árum síðar undir lok 21. aldarinnar. Aðalsöguhetjan er barnabarn Kríu. Þetta er framtíðarsaga og flokkast til Cli-Fi, þ.e. loftslagsbókmennta. Í bókinni hefur Golfstraumurinn farið af leið og orðið ískalt á Íslandi. Fólk er hætt að borða kjöt. Lönd og þjóðir eru ekki lengur til og allir sameinaðir í eina þjóð. Það gengur jafn illa og það hljómar.
- Í þriðju bókinni, Skóginum, er áfram sagt frá Kríu. En nú er hún orðinn unglingur með reynslu 100 ára konu. Þetta er vísindaskáldsaga.
- Hver bók er sjálfstæð en betra er að lesa þær í tímaröð.
Þetta segir Hrönn: „Þetta er bók sem ég er hvað spenntust fyrir. Þetta er ævintýri. Ofboðslega áhugaverð bók. Það er hægt að lesa hana staka, en ég mæli með því að lesa þær í réttri röð. Ég mæli hiklaust með þessari bók.‟
Tilberinn: Ingela Korssell, Henrik Jonsson og Asa Larsson
- Tilberinn, hluti af skandinavíska PAX-bókaflokknum og númer fjögur í röðinni.
- Þetta eru auðlesnar hrollvekjur. Sagan sjálf, letrið og myndir inn á milli. Tíu ára barn gæti lesið bókina.
- Bókin er ekki fyrir myrkfælna og það þarf soldið sterkar taugar til að lesa bókina.
- Þær fjalla um tvo bræður. Þeir upplifa sig á móti heiminum og eru aldir upp hjá fósturfjölskyldu. Í ljós kemur að eitthvað illt er á sveimi. Þeir kynnast gæslumönnum leyndst töfrabókasafns.
Þetta segir Hrönn: „Þessi bók er ekki fyrir lesendur með lítið hjarta.‟
Hingað og ekki lengra: Hildur Knútsdóttir og Þórdís Gísladóttir
- Hildur er einn af mínum uppáhalds ungmennabókahöfundum. Hún skrifar myrkar stórar bækur, eins og Vetrarfrí og Vetrarhörkur, en svo skemmtilegar bækur með Þórdísi.
- Bókin er um þrjár vinkonur í 8. bekk sem gerast umhverfisróttæklingar.
- Transstelpa er í einu af aðalhlutverkunum í bókinni.
- Ekki er allt sem sýnist í bókinni. Sem dæmi er sagt frá sólbrúnu sterabúnti sem rekur sjoppu, á ískyggilegan hund og allir halda að sé handrukkari. Þvert á ályktanir annarra þá reynist hann vera ljúfur sem lamb.
Hrönn segir: „Þetta bók er létt og fyndin.‟
Aðrar bækur á borðinu sem Hrönn á eftir að lesa
Vampírur, vesen og annað tilfallandi: Rut Guðnadóttir
- Hlaut Íslensku barnabókaverðlaunin árið 2020.
- Fjallar um vinkonur í 8. bekk. Þegar nemendur taka að sýkjast grunar stelpurnar að kennarinn þeirra sé vampíra.
Hrönn segir: „Ég er nokkuð spennt að lesa hana.‟
Dóttir hafsins: Kristín Björg Sigurvinsdóttir
- Fyrsta bókin í þríleik.
- Fantasíubók um stelpu sem kemst í kynni við marfólk. Í ljós kemur að hún er útvalin til að bjarga örlögum fólksins.
Hrönn segir: „Þetta er önnur bók sem ég er gríðarlega spennt að lesa. Hún hefur verið gríðarlega vinsæl hjá okkur því hún er yfirleitt ekki til í hillunni.‟
Drauma – Dísa: Gunnar Theódór Eggertsson
- Þriðja bókin í þríleik.
- Þetta er fantasíubók.
Hrönn segir: „Ég er búin að lesa fyrstu bókina Drauga-Dísu og var hrifin af henni. Ég veit lítið um bókina annað en að ég var hrifin af fyrstu bókinni og ætla að lesa hinar tvær.‟
Hægt er að smella á hlekkinn og hlusta á þáttinn á:
