Nú er sumardagurinn fyrsti loksins að renna upp. Til hamingju með daginn!
Langt er síðan farið var að fagna komu sumarsins eða nokkuð hundruð ár.
Í íslenskri þjóðtrú segir að ef ef sumar og vetur frjósi saman þá boði það að sumarið verði gott. Nokkuð sem fáir kannast við í seinni tíð. Í bókinni Saga daganna eftir Árna Björnsson þjóðháttafræðing er því velt upp hvað gott sumar sé eiginlega. Það geti átt við margt fleira en sól á lofti, fleiri stuttermaboli en í fyrra og nokkurn vegin regnhlífalaust sumar.
Samkvæmt Árna getur í góðu sumri nefnilega falist að nyt búpenings verði góð, að taðan verði kjarnmikil, og þess háttar.
Fínasta veður
Hvað sem þjóðtrúnni líður þá er sumrinu víða fagnað á sumardaginn fyrsta.
Veðrið ætti líka að leika við landsmenn. Á veðurvef mbl.is segir að allt bendi til að sumardagurinn fyrsti verði besti dagur vikunnar og útlit fyrir fínasta hátíðarveður í flestum landshlutum, sólríkt og fremur hlýtt í veðri. Á Norðurlandi verður enn svolítið vetrarlegt og hugsanlega él og slydda Austanlands. Vorlegra verður sunnanlands, sólríkt og fremur milt veður. Þó má búast við skúrum þegar líður á daginn.
En hvað um það. Fögnum sumrinu!
Hér er hægt að sjá hvað er í boði til að fagna sumardeginum fyrsta á nokkrum stöðum, bæði í bæjum og stöðum.
Hafnarfjörður: Sumargleði gaflara
Garðabær: Húllumhæ í tilefni af sumrinu
Mosfellsbær: Fjör á sumardaginn fyrsta
Akureyri, Siglufjörður og Eyjafjörður
Sumardagurinn fyrsti í Garðyrkjuskólanum í Hveragerði
Fjölskylduleiðsögn með Stjörnu-Sævari í Safnahúsi
Borgarbókasafnið í Grófinni: Vinsælustu bækur barnanna
Þjóðminjasafnið: Börn stýra leiðsögn
