Áramótabrennur hafa tíðkast á Íslandi. Fram kemur á Vísindavefnum að elsta þekkta frásögnin um brennur um áramót sé frá árinu 1791 þegar greint er frá því að piltar við Hólavallaskóla í Reykjavík hafi haldið brennur á hæð skammt frá skólanum. Talið er að það hafi verið Landakotshæð.

Rúmlega 100 ára hefð

Á 19. öld breiddist siðurinn út um Reykjavík og síðan um aldamótin á einstökum sveitabæjum.  Sums staðar á Suður- og Vesturlandi var reynt að haga svo til að kveikt væri í bálkestinum á sama tíma á öllum bæjum í byggðarlaginu svo að hver sæi til annars. Við upphaf 20. aldar voru brennur orðnar algengar hér á landi.

En hvar eru þessar blessaðar stórskemmtilegu brennur? Brennurnar eru álíka margar og sveitarfélögin í landinu og stundum fleiri. Hentugasta ráðið til að finna brennu er að fletta upp heimasíðu viðkomandi sveitarfélags.

Hvar eru þessar brennur?

Við höfum tekið saman lista yfir allar brennur á landinu á Gamlárskvöld. Listinn er auðvitað ekki tæmandi. Ef þið rekið augun í að upplýsingar vantar er best að senda okkur skeyti á ullendullen@ullendullen.is eða í skilaboðum á Facebook.

Í mörgum sveitarfélögum er fólk hvatt til að skjóta ekki upp flugeldum við brennur. Svo verða auðvitað allir að hafa hlífðargleraugu og hanska nálægt brennum og þegar flugeldum er skotið á loft.

Góða skemmtun!

Höfuðborgarsvæðið

Reykjavík: Áramótabrennurnar í Reykjavík eru á hefðbundnum stöðum og með svipuðu sniði ár hvert. Á gamlárskvöld 2017 eru þær á eftirtöldum stöðum og með tveimur undantekningum er borinn eldur að köstunum kl. 20:30. Skoða staðsetningu í Borgarvefsjá.

• Við Ægisíðu, stór brenna.
• Í Skerjafirði gegnt Skildinganesi 48 – 52,  lítil brenna (tendrað kl. 21:00, eftir blysför sem hefst kl. 20:30).
• Við Suðurhlíðar, neðan við Fossvogskirkjugarð, lítil brenna.
• Laugardalur, fyrir neðan Laugarásveg 18,  lítil brenna.
• Geirsnef, á norðanverðu Geirsnefi, stór brenna.
• Við Suðurfell, lítil brenna.
• Við Rauðavatn að norðanverðu, stór brenna.
• Gufunes við Gufunesbæ, stór brenna.
• Við Kléberg á Kjalarnesi, lítil brenna.
• Úlfarsfell á athafnasvæði Fisfélagsins ofan við Lambhagaveg, lítil brenna (tendrað kl. 15:00)

Ítarlegri upplýsingar: Reykjavik.is

 

Garðabær:  Tvær áramótabrennur verða í Garðabæ.

• Kveikt verður í áramótabrennunni nærri ströndinni norðan við Gesthús á Álftanesi klukkan 20:30. Brennan er í umsjón Skátafélagsins Svana.
• Hin áramótabrennan er í umsjón Stjörnunnar og verður við Sjávargrund. Kveikt verður í brennunni klukkan 21.00.

Ítarlegri upplýsingar: gardabaer.is

 

Kópavogur: Tvær brennur verða í Kópavogi.  Kveikt verður í báðum brennum klukkan 20:30.

• Við Smárahvammshvöll í Kópavogsdal.
• Þingabrenna Gulaþingi.

Ítarlegri upplýsingar: kopavogur.is

 

Hafnarfjörður: Í Hafnarfirði verður tendrað áramótabrennu klukkan 20:30 á Ásvöllum. Brennan verður á íþróttasvæði Hauka, nánar tiltekið í hrauni fyrir framan íþróttamiðstöðina. Knattspyrnufélagið Haukar og Hafnarfjarðarbær standa saman að brennunni.

 

Mosfellsbær: Áramótabrenna verður neðan Holtahverfis við Leirvog. Kveikt verður í brennunni kl. 20:30. Öll meðferð skotelda á svæðinu er bönnuð, stjörnuljós og blys eru hættuminni en flugeldar og tertur skulu geymast heima.

 

Suðurland

• Selfoss: Á gámasvæðinu, Víkurheiði á Selfossi kl. 16:30
• Eyrarbakki: Við Hafnarbrú á Eyrarbakka kl. 20:00
• Stokkseyri: Við Arnhólma á Stokkseyri kl. 20:00

Ítarlegri upplýsingar: Árborg

• Hella: Árleg áramótabrenna á Hellu og flugeldasýning Flugbjörgunarsveitarinnar á Hellu.

Ítarlegri upplýsingar: Rangárþing ytra

• Hrunamannahreppur: Áramótabrenna á lóð Tjaldmiðstöðvarinnar á Flúðum kl. 20:30.

Ítarlegri upplýsingar: Hrunamannahreppur

• Bláskógabyggð: Í Laugarási við Höfðaveginn kl. 20:30 / Í Reykholti brenna kl. 20:30 og flugeldasýning kl. 21:00

Ítarlegri upplýsingar: Bláskógabyggð

 

Vestfirðir

• Ísafjörður: Klukkan 20:30 á Hauganesi
• Hnífsdalur: Klukkan 20:30 á Árvöllum
• Suðureyri: Klukkan 20:30 á Hlaðnesi
• Flateyri: Klukkan 20:30 við smábátahöfn
• Þingeyri: Klukkan 20:20 á Þingeyrarodda

Ítarlegri upplýsingar: Ísafjarðarbær

 

Vesturland

• Saurbær: Brennan í Saurbænum verður í landi Bjarnastaða í Staðarhólsdal. Kveikt verður í brennunni um miðnætti.
• Búðardalur: Árleg brenna í Búðardal verður á sjávarkambinum neðan við Búðarbraut og skotsvæði á gömlu bryggjunni. Kveikt verður í brennunni kl. 21:00.

Ítarlegri upplýsingar: Dalabyggð

 

Norðurland

Akureyri

• Hlíðarfjall: Opið frá kl. 10.00-15.00, Akureyrarsundlaug kl. 8.45-12.00
• Hrísey: Áramótabrenna í námunni fyrir austan Stekkjanef kl. 17.00
• Grímsey: Áramótabrenna í Grenivík, syðst á eyjunni kl. 20.30
• Réttarhvammur v/Hlíðarfjallsveg: Áramótabrenna og flugeldasýning kl. 20.30

Ítarlegri upplýsingar: Visit Akureyri

• Skagaströnd: Brennan verður staðsett við Snorraberg og blysför mun leggja af stað frá Fellsborg. Lagt verður af stað frá Fellsborg 20:30 og kveikt verður í brennunni um kl 20:45.

Ítarlegri upplýsingar: Skagaströnd

• Ólafsfjörður: Kveikt verður í áramótabrennunni í Ólafsfirði kl. 20:00 og verður brennan við Ósbrekkusand.
• Siglufjörður: Kveikt verður á brennunni á Siglufirði klukkan 20:30. Brennan er sunnan við Rarik.

Ítarlegri upplýsingar: Fjallabyggð

Austurland

• Egilsstaðir: Áramótabrenna Fljótsdalshéraðs í samstarfi við Björgunarsveitina á Héraði fer fram á Egilsstaðanesi kl. 16.30 sunnudaginn 31. desember, eins og undanfarin ár.

Ítarlegri upplýsingar: Fljótsdalshérað

Deilið þessu: