Vetrarfrí 2017: Nóg að gera fyrir alla í Garðabæ og Hafnarfirði

Vetrarfrí er alla vikuna í grunnskólum í Garðabæ og á fimmtudag og föstudag í Hafnarfirði. Við tókum saman lista yfir það sem í boði var fyrir fjölskyldur í Reykjavík um síðustu helgi og í vetrarfríinu fyrir tvo daga vikunnar. Það mæltist afar vel fyrir.

Nú er komið að Garðabæ og Hafnarfirði.

Allt er gert fyrir foreldra, afa og ömmur og frændur og frænkur sem hugsa um börnin í vetrarfríinu. Íþróttafélög í báðum bæjum bjóða upp á námskeið auk þess sem bóka- og listasöfn eru með alls kyns skemmtilega og skapandi viðburði alla dagana.

En svo er auðvitað alltaf gaman ef veður leyfir að skreppa í göngutúra niður á bryggju, skoða Hellisgerði í Hafnarfirði, fara í bíltúr í Heiðmörk í hellaleit, leika í skóginum og finna góðan leikvöll. Ef það snjóar þá er auðvitað upplagt að ná í snjóþotur, rassaþotur og annað sem hægt er að skella undir rassinn svo maður renni nú vel niður brekkur.

Hafið þið farið í Hellisgerði? Það er ævintýrastaður.

Hellisgerði í Hafnarfirði

Ef þið finnið bókstaflega ekkert að gera þá er alltaf hægt að búa til brúðuleikhús úr pakkakassa eða íþróttavöll eins og þessi hugmyndaríku feðgin gerðu.

Fótboltakeppni í pappakassa

Knattspyrnuvöllur að hætti Klaufabárðanna. Ef vel er að gáð má sjá Köngurlóarmanninn á meðal áhorfenda. Karakter úr Stjörnustríði er annað hvort með vandræði á vellinum eða línuvörður. MYND / JÓN PÉTUR

Hér höfum við tekið saman það helsta sem við fundum. Endilega sendið okkur skeyti ef þið finnið fleira að gera eða eruð með hugmyndir að afþreyingu og samveru.

 

Vetrarfríi

Miðvikudagur 22. febrúar

Bókasafn Garðabæjar: Bingó og perlur

Hafnarborg í Hafnarfirði: Listasmiðjur

 

Fimmtudagur 23. febrúar

Bókasafn Garðabæjar: Skemmtilegt barnabíó og popp

Hafnarborg í Hafnarfirði: Listasmiðja fyrir börnin

Bókasafn Hafnarfjarðar: Bíómyndin Grettir og Spilavinir mæta í heimsókn

 

Föstudagur 24 febrúar

Bókasafn Garðabæjar: Bíó í bókasafninu og ratleikur

Hafnarborg í Hafnarfirði: Námskeið í grímugerð fyrir öskudaginn

Bókasafn Hafnarfjarðar: Paddington í föstudagsbíói og tilboð á DVD

Deilið þessu:

Skildu eftir svar

Vinsamlegast láttu rétt nafn og netfang fylgja með athugasemd