Kex Hostel býður fjölskyldunni á KEXPort-tónleika

Stjórnendur Kex Hostel í Reykjavík eru meiriháttar þegar kemur að skemmtilegheitum fyrir fjölskylduna. Á Kex Hostel hafa verið alls konar viðburðir sem tengjast börnum, barnabókapartý, fjölskyldujóga, sviðaveislu, leikrit sett upp og tónleikar í tengslum við tónlistarhátíðina Airwaves.

Enn á ný eru skemmtilegheit í vændum.

Helgina 14.-15. júlí verður tónleikahátíðin KEXPort haldin í 6. skiptið í portinu aftan við hostelið. Þetta er fínasta port sem rúmar alveg helling af fólki. Tónleikarnir hafa fram til þessa verið haldnir á laugardegi og aðeins í einn dag. Nú mun hún hins vegar standa yfir alla helgina og verða allskonar skemmtilegheit á matseðlinum.

Eitthvað fyrir alla

Hátíðin er haldin í portinu fyrir aftan Kex Hostel og geta allar fjölskyldur mætt sem elska tónlist. Ekkert kostar inn.

Tónleikadagskráin hefst reyndar í seinni kantinum fyrir fjölskyldur með ung börn á föstudeginum. Á laugardag hefst fjörið hins vegar klukkan tvö og stendur það fram á miðnætti.

Kosturinn við KEXPort-tónleikana er auðvitað sá að fólk getur komið og farið þegar litlir fætur eru orðnir þreyttir eða hávaðinn of mikill fyrir lítil eyru.

Dagskrá tónlistaratriða er svona

Föstudagur 14. júlí

  • 19:00 Une Misére
  • 20:00 Dynfari
  • 21:00 Kuldaboli
  • 22:00 Hórmónar
  • 23:00 HATARI
  • Plötusnúður: DJ Styrmir Hansson

Laugardagur 15. júlí

  •  14:00 Sóley
  • 15:00 Between Mountains
  • 16:00 SiGRÚN
  • 17:00 Daði Freyr
  • 18:00 JFDR
  • 19:00 aYia
  • 20:00 Elli Grill
  • 21:00 Vök
  • 22:00 HRNNR & SMJÖRVI
  • 23:00 Fufanu
  • Plötusnúðar: Kanilsnældur

 

Loading
Center map
Traffic
Bicycling
Transit

Deilið þessu:

Skildu eftir svar

Vinsamlegast láttu rétt nafn og netfang fylgja með athugasemd