Hleð Viðburðir

« Allt Viðburðir

  • This event has passed.

Síðasta jóladagskráin á Árbæjarsafni

20. desember, 2015 - 14:00 - 16:00

Nú er um að gera og skella sér á Árbæjarsafn. Jóladagskrá hefur verið þar í fullum gangi yfir aðventuna. Nú er jóladagskráin í síðasta sinn á þessu ári enda fjórði í aðventu á sunnudag.

Hrekkjóttir jólasveinar

Jóladagskrá Árbæjarsafns hefur notið mikilla vinsælda undanfarin ár. Hún hefur eignast fastan sess í menningarlífi borgarbúa á aðventunni.  Ungir sem aldnir geta rölt á milli húsanna á Árbæjarsafni og fylgst með undirbúningi jólanna eins og hann var í gamla daga þegar afi og amma voru ekki einu sinni fædd. Svo er auðvitað dansað í kringum jólatré á torgi Árbæjarsafnsins.

Á Árbæjarsafni gægjast hrekkjóttir jólasveinar á glugga og kíkja í potta, börn og fullorðnir fá að föndra og syngja saman jólalög og jafnvel smakka á laufabrauði. Gestum gefst líka tækifæri á að taka þátt í jólalegum ratleik um svæði Árbæjarsafnsins.

Dagskráin 20. desember

14:00 Guðsþjónusta í safnkirkju Árbæjarsafns. Prestur er séra Kristinn Ágúst Friðfinnsson og organisti er Sigrún Steingrímsdóttir.

14:30  Hugljúfir jólatónleikar í safnkirkjunni með Huga Jónssyni einsöngvara og Kára Allanssyni organista.

14:00-16:00 Góðu gömlu jólasveinarnir vappa um safnasvæði Árbæjarsafnsins. Þetta eru hrekkjóttir og stríðnir bræður, sem taka líka þátt í dansinum í kringum  jólatréð.

15:00 Jólaskemmtun á torgi Árbæjarsafnsins. Sungin verða jólalög og dansað í kringum jólatréð, við harmónikkuundirleik og kórsöng.

Ókeypis fyrir 18 ára og yngri

Aðgangseyrir er 1400 kr. fyrir fullorðna en ókeypis er fyrir börn 18 ára og yngri, ellilífeyrisþega (70+) og öryrkja. Menningarkortið veitir ókeypis aðgang að safninu.

Upplýsingar

Dagsetn:
20. desember, 2015
Tími
14:00 - 16:00
Viðburður Category:
Tök Viðburður:
, , , , , ,

Staðsetning

Árbæjarsafn
Kistuhylur
Reykjavík, 110 Iceland
+ Google Map
Sími:
411 6320
Vefsíða:
http://borgarsogusafn.is

[ad name=“POSTS“]